Tripur Kshatriya Samaj
Aims and Objectives of TKS

Mo samaj eba hoda rajniti ni dolya, dhormo, hukumu tai hoda ni panda. Oro rajniti ni thaisa kok salaiya, salaiglak tai salai manya. Jesa bodolno fano bhot rithu abo bini gonotantrik manthai. Tumung dofani bagwi khaina muchung khai faidi, fia mannani bagwi khai mungfano takhudi.

 Dhormo eba Twimung:

1.            Sirisiti ni simi, dangaima dangaifa song palai thahngmani Subrai raja fwrwng kwlangma dhormo no jai khai mwthang tisafinani.

2.            Sukundrai ochai khaui kwlangmani mutai ni raida, tomung chamung rokno tai waisa khursai tikhlai dofa-o chol khaifinai.

3.            Subrai, Goria, Ama, Osa, Kharsi, Ker, Mailuma, Khuluma, Rondok, Noksuma, Mamita, Lampra, Buisu eba tring bisikwtal, Hojagiri, Hangrai hai akorok terno kaham khwlai luku rokni bising kwchwng khai mwthang tisafinani.

4.            Jorani fero sirisitni simi palai faimani tongkaham chakaham rokno pogwi tai koroi thangmarok no tai waisa mwthang tubunani.

5.            Jora ni fero hamya, sitra raidarok chini twimung tai tongmungo habmano sukhlai khibinani.

6.            Lukuni bising adhyatmik chetona kasariui kwthar lama twih khai ayang masingni thahngnani lama no fuwar nani.

Somaj eba Dofani Tongmung:

1.        Kami, para, amchoi rogo agini hai Kamifang khaui Chokdiri, Ochai akorok no mwthang tisafinani.

2.        Subrai raja ni jugo dofani bising tongkwchang chakwchang tongmano kifil tubufinani.

3.        Kamini tongmung derama rokno khachobwi tongkaham rokno mwthangfi nani.

4.        Dofa bai dofani halok no taibo kwrak tai kaham khai kahui tisanani.

5.        Chini luku raida, tai tongmung rokno kwtal khai lukuni bising awai khaifinani tai hoda-o abno thepafinani.

6.        Sirisitini luku raidano mwthangna bagwi ashrom kaisa tangnani.

7.        Tabuktwi jora Tiprasa bwsarok bui bai baksa batai mannatwi khai tisana bagwi Convent School tangnani.

8.        Dropout Coaching Center khainani.

9.         Luku tai sikla rokni bising bharot ha ni rashtriyota bad no sicharinani.

Sanskriti eba Hukumu:

1.        Dangaima dangaifa ni simi tubui faimani hukumu no mwthangwi twinani tai luku ni thani pir nani.

2.        Sirisitini dalbidal mwsamung tai rwchabmung rokno mwthangwi kwtal khai twiwi thahngnani.

3.        Chini jatre jat ni tammung kham, sumui, sarinda, chongpreng, dangdu abtwi hai kwmai tongma rokno tai waisa mwthang tisafinani tai lukuni thani pirnani.

4.        Chini takmung lubmung, kanmung chummung rokno taibo naithok khai tisanani, tai jorabai gwdalwi tisanani.

5.        Tiprasarok ni chamung-nwngmung, awan-chuwan tai chuwak-maikhamo rokno jorabai gwdalriui buini thani pihrnani.

Swasthya eba Sakhamkrai:

1.        Ondho biswas eba burasa -swkal rokno puitu khaima ni simi luku rokno yakakri nani.  

2.        Kami-o sakhamkrai ni kokkaham eba seminar khwlai nani. Kamirogo sikla sikli rogno twiwi sakhamkrai bodol khanani.

3.        Nokbra bari ni simi sakfang jora safsutra tongkhai tamo wngman aborok no twih koklam ni panda khainani.

4.        Chuwak, duma, biri tai jatre jatni fekma manwi chini sakfang tai buini bagwi bwswk hamya khai aborok no lukuni thani pihrnani.

Arthik eba Rangri:

1.        Lekha kwrwng rokno sakbaithang bachanani bagwi lama funuk nani.

2.        Sikla sikli rokni bagwi baithang chubama bodol khwlai borok saisung sak aji mannatwi khwlai tisanani.

3.        Jatre jatni samung bwtang chengwi sikla sikli rokno samungo thepanani.

4.        Sikla bodol no baniya tai raibai samung khaithani kha tungsarinai.
 

  Go to Top

 Ama Tipra ni Twimung (Dhormo) tai Tongmung (Sonskar) tini komortwtwi. Bini hukumu tai mukumu kwmatwtwi. Bini khorokni bwkhwnai thaprupru, changni ri kichik kwpla. Mokolo thwini muktwi khai nono nasing tongkha.

Faidi Takhukrok! Faidi Bukhukrok!

Fanridi! Bwkharidi! Rangridi!

Nini rang khoksa amani  rasa. Khoksa rimabai nwng bigra wngya.

 Contact No: 9436494363: 9436516242

  Go to Top